جوة البيت ركن الكراكيب..
شايل ذكري لكل حبيب..
صورة جدي وطرحة ستي..
وكرسي مكسر
كان من فترة كرسي جديد..
وعجلة نونو بسندتين..
وطاولة ابوية وطافيتين..
وجوز براويز فيهم صورتين..
كل الناس دي كانت ساكنه..
وعاشية معانا من شهرين ..
كانوا بنادوا علينا ويحكوا..
عن شقاوتنا يوم ولادتنا..
جوه البيت ركن الكراكيب..
شايل ذكري لكل حبيب..
جوة القلب كمان كراكيب..
اول مرة تجيني هدية..
كانت منها ف الابتدائية..
لما ادتني علبة قطيفة..
حمرا وفيها كتاب الله..
قالت بيها انا بحلف انك
أطيب قلب ف خلق الله..
وأول مرة اتجرأ واكتب
اسمي وحرفك ف الكشكول..
بعد شوية الخوف يخطفني
واشطب اسمك..
اصل الابلة تشوف وتقول..
اول دبلة لمسها صباعي..
وأول مرة أكتبلك شعر
واقول دا بتاعي..
جوه حياتي كتير كراكيب..
ذكرى جميلة لكل حبيب..
حتى العمر كمان كراكيب..
حتى الحلم كمان كراكيب..
واحنا كمان
بكرة هنبقي من الكراكيب..
هيفضل منا صورة وذكرى
لأي حبيب..
بس خسارة نعيش ونموت
ويرموا حياتنا ف الكراكيب..
علشان كدة من خوفي عليه..
قولت اكتبها لولدي وصية..
يعمل اوضة لكل حياتنا..
ويسميها اوضة الكراكيب.
شايل ذكري لكل حبيب..
صورة جدي وطرحة ستي..
وكرسي مكسر
كان من فترة كرسي جديد..
وعجلة نونو بسندتين..
وطاولة ابوية وطافيتين..
وجوز براويز فيهم صورتين..
كل الناس دي كانت ساكنه..
وعاشية معانا من شهرين ..
كانوا بنادوا علينا ويحكوا..
عن شقاوتنا يوم ولادتنا..
جوه البيت ركن الكراكيب..
شايل ذكري لكل حبيب..
جوة القلب كمان كراكيب..
اول مرة تجيني هدية..
كانت منها ف الابتدائية..
لما ادتني علبة قطيفة..
حمرا وفيها كتاب الله..
قالت بيها انا بحلف انك
أطيب قلب ف خلق الله..
وأول مرة اتجرأ واكتب
اسمي وحرفك ف الكشكول..
بعد شوية الخوف يخطفني
واشطب اسمك..
اصل الابلة تشوف وتقول..
اول دبلة لمسها صباعي..
وأول مرة أكتبلك شعر
واقول دا بتاعي..
جوه حياتي كتير كراكيب..
ذكرى جميلة لكل حبيب..
حتى العمر كمان كراكيب..
حتى الحلم كمان كراكيب..
واحنا كمان
بكرة هنبقي من الكراكيب..
هيفضل منا صورة وذكرى
لأي حبيب..
بس خسارة نعيش ونموت
ويرموا حياتنا ف الكراكيب..
علشان كدة من خوفي عليه..
قولت اكتبها لولدي وصية..
يعمل اوضة لكل حياتنا..
ويسميها اوضة الكراكيب.
إرسال تعليق