GuidePedia
قلبى كان فرحان
لما شافك من يومين
خد قلبك بالاحضان
وطبعك ف نن العين
ووقفت النجوم حوالين
قلبى وقلبك صفين
بينا يا حبيبى فرحه
لا . لا فرحتين
والهمس فينا زاد
وخلا شوق القلب قاد
مش عارف احنا فين
وامشى ف عيونك بلاد
وتاخدنى مشاعر قلبك
لسكة العاشقين
بالحب والشوق والحنين
واطبع وردتين
ع الشفايف والخدين
ترويهم من حبك
بشوق العطشانين
وينزلوا من قلبى دمعتين
على احلا واجمل وترين
بيعزفوا بحبى حنين
ليا يا حبيبى وليك
بشوق كل المحرومين
قلبى بين ايدك
ماشى ف وريدك
مسكوك بقفلين
مكتوب عليهم اسمى واسمك
متلونين بالشوق برسمى ورسمك
واخدت قلبى بين احضانك
تسقيه من نبع حنانك
الشهد ف كاسين
يا حبيبى انت هانتنى
وهاديتنى بدل العمر اتنين
وبقيت اشوف الفرحه
ف قلبك فرحتين
Top
إرسال تعليق