لو بتحلم بالسعادة ... بقلم / ضياء الإدريسي

لو بتحلم بالسعادة
أحترم فيك الضمير

ابني بيتك بالعبادة
حق لله البصير
راقب الحق ومعاه
كن فى نفس الاتجاه
لو بتحلم بالنجاه
سهل لو كنت الفقير
تشتري قارب بدمك
ترسم الجنه لأمك
يبقى همك
السلامه
لو بتحلم بالسعادة
صدق أن الله خبير

أحترم فيك الضمير

لو عليك الحق قول
يعني فرض تكون عدول
هما دول أهل الأصول
وانت أصلك تبقى عادل
أنت مؤمن بالأمانه
مش ح تقبل يوم تضيع
مش ح تسمح للديابة
تذبح الطفل الرضيع
واحنا فى بداية الربيع
مش ح تسمح
أنت عاقل
أنت من حقك تناضل
كل فكر حرام وباطل
السلاح العلم دعوة
مش تقول
مش ليا دعوة
أنت أقوى
بالدليل
حل ولكل المسائل
أنت عاقل

لو بتحلم بالسعادة

ازرع الخير الكتير
أحترم فيك الضمير
والصغير والكبير
ابني دولة ‫#‏احترام‬
لو بتحلم بالكرامة
والأمانه والسلامة
اقترب يوم القيامه
افشي يا صاحبي ‫#‏السلام‬
ازرع الوردة اليتيمة
بكرة تطرح لك نجاح
لسه فينا
قلوب سليمه
كل أحلامها الفلاح
أنت طالب بالصلاح
بس لازم تبقى صالح
اوعى تكسر يوم جناح
إلا لو كان صاحبه جارح
دنيا ماشيه بالدراع للهلاك
ولا حد قال
اسمعوا يا ناس كفايه اقطعوا حبل الجدال
ليه يكون بينا القتال
واحنا موتنا أمر واجب
ليه بنقبل احتلال سيف عدو او فكر كاذب
ليه يا صاحبي الذنب جاز
إلا لما ضميرنا ضل
مش ح قولك مستحيل
وانت عندك الف حل
بل
مستحيل ابدا تمل
لو يكون عند إرادة

أحترم فيك الضمير لو بتحلم بالسعادة
‫#‏ضياء_الادريسي‬