حلم سيدنا
ــــــــــــــــــــــــــمحمودعمارالزلباني
سيدنا السيد فاتوه الفرض
هوى مروحته خف غطاه
خلاه يحلم إن الأرض
إنها شجرة نايمه معاه
شجرة جميلة بوش عروسة
ولابسة يا سيدنا كمان فستان
مد شفايفه طالب بوسة
قال لها عاشق ليا زمان
قالت الشجرة يا دي الحوسة
طب انت يا سيدنا مش ندمان
سيدنا السيد قال على أيه
أندم لما البعديطول
أو رمانك مش بلاقيه
قلبي في حبك بقى مشغول
قربي مني ومن غير ليه
نفسي بوصلك قلبي ينول
قالت الشجرةحاسب شوكي
لو قربت هيجرح إيدك
بس يا حلوة عيوني شا فوكي
نقسي أقرب وأبقى وحيك
إنت يا سيدنا ما تعرفنيش
أنا الغدر رضعته رضاعة
إبعد عني في حالك عيش
الهجر يا سيدنا عندي بضاعة
سيدنا السيدصحي من نومه
فتح عينه وقال يا لطيف
إستغفر ربه وشد هدومه
قال د كابوس أوحلم مخيف
هي الدنيا الشجرة الحلوة
إللي تحبه تغير حاله
يبتلي فيها بلوة في بلوة
إللي يعوزها تروح جياله
يغرق وحده ما حد يحوشه
مرها يشرب ليله ويومه
حتى زمانه تيجي وحوشه
أما الدنيا بسرعة تلومه
------------------------محمودعمارالزلباني
إرسال تعليق