GuidePedia
متشعبطين كده ف الحياه
والآه بتولد ألف آه
غرقان ف بحر مالوش قرار
وف انتظار طوق النجاه
حلمي بيتسرسب ساعات
علي شط دجله والفرات
والقدس منعاه الذئاب
يصرخ علي طفله اللي مات
لون الخضار أصبح دمار
والانكسار صاب الولاد
الزاد بتا اكله ألف نار
والباقي من حق الجراد
ببكي علي كل اللي راح
والانبطاح بقي شيئ أكيد
السهم مش راحم الجراح
والانشراح ف قيود حديد
عايشين تملي ف الشتات
وضميرنا في فصل البيات
متقسمين ما بين وبين
والذل زاحف من سكات
امتي نفوق ونبص فوق
ونطول شعاع شمس الأمان
آن الأوان ينحل طوق
ربطاه ايدين ظلم اللي خان
يا زمان وعجبك جرحنا
ما تقول لنا.. فين المطر
علشان ماتطرح... أرضنا
بعد الضنا...حب وشجر
Top
إرسال تعليق