أنا و الليل تملى صحاب
بيجينى فى غفلة الأحباب
يعدى ياخدنى على سهوه
نروح ندوه.نروح نادى
و نشرب شاى وراه قهوه
و نتعشى و نتمشى
على الكورنيش
فاكرين نفسنا بنعيش
و نجرى بسرعه
ع القلعه
و لهالايب الغرام والعه
نمثل عرض ع المسرح
فى دنيا لا شايفه
و لا سامعه
و نرجع على بعض نتمايل
نطلع ع السرير و ننام
على الأحلام بنتحايل
و لا نخرجشى بالجمعه
يبص فى عينى
و ابص فى عينه
نبكى من غير أى كلام
و لا تنزلناش دمعه
انا و الليل.
إرسال تعليق