رحيل بقلم \ رأفت الشهاوي

,,,,,, ( رحيل) ,,,,,,,,, راْفت الشـــــــــــــــــــــــــهاوى
أمى ماتت ومعاها راح الحنين
القلب داب مـ البكا
ونشف الدمع فى العين
الدنيارحلت شمسها
وحل على الكون الانين
الخطوة تاهت جوه الشجن
لاعارفه شمال ولاحتى يمين
اجرى وسط الزحام
اسأل ياخال امى رايحة على فين
الاقى فى عيونه دمعه واقفه
ووشه مهموم حزين
مد ايده على راسى
ومسك اديا الصغيرين
امك عـ الجنه رايحه
عند رب العالمين
ومرت الايام لابسه فستان اسود
مطرز بهم وحزن السنين
وفـ ليله فـ الحاره العيال بتقول
عيد الام باقى عليه يومين
سألونى ,,,,,,,,,,,,,,,؟
ها تجيب لامك شال ولا عقد ولا وردتين
حبست دموعى جوايا
ماهى ماتت من عامين
وبقيت من غير ام,, ولا انتو مش فاكرين؟
جريت وجبت هديه ,, وخدتها بين اديا
وحطيت على قبرها الورد والرياحين
شفت بسمتها مليانه شجن
بتدارى دموعها جوه الكفن
بشكرك ياحبيب القلب
ياأغلى من نور العين
,,,,,,,,,,,,,,,,,,,,,,,,
****************