يارب مين غيرك حيسمع شكوتى
,,,,,,,,,,,,,,,,,,,,,,,,,,
ربى اليك شكوتى وانتَ بيها تعلم
قادر ورازق عبادك وللضعيف ترحم
همى وحزنى اليك فى شكوتى يوصل
فقير وحالى عدم ومين للعباد يرحم
راضى بقدرى ونصيبى وعمرى ما أتبطر
بحصوة الملح ورغيف العيش
أشق ريقى وأحمد ك وعمرى ما أكفر
دورى يارحايه الحياه وفتتى لحمى
بس أذكرينى فى كتابك بأنى أنا بصبر
حملى ده حمل الجمال أشد أو أثقل
يا جبل ما هزك ريح ولا عليك يقدر
ودورى يا أيام بكره الصغير يكبر
ويجينى واد أتسند عليه عكاز
وأشوف ولاده سعيده وحلمها أكبر
,,,,,,,,,,,,,,,,,,,,,,,,,,
كلمات الشاعر
عبدالواحد محمد
إرسال تعليق