أم الشهيد
ياخلق هوه ياناس يابشر
أنا قلبي م الحزن انكسر
راح مني سندي في الحياه
دمعه في عيني وألف أه
وأهين ياقلبي اللي أتوجع
زينة الشباب راح الجدع
أنت حبيبي وعدتني
أنك هترجع يوم أكيد
ياحبيبي روحت وسيبتني
من بعدك أنت ماشوفت عيد
ياضي عيني وحشتني
وبقيت أنا أم الشهيد
كل القلوب بتضمني
وأنا قلبي من غيرك وحيد
رويت الأرض من دمك
ياريتني فداك ياقلب أمك
دموع الحزن في عينيا
ياريت كان حاجه بإيديا
ساعة الوداع ياحبيبي ليه
غير كل مره
رجعت تاني وقولتلي
أدعيلي ياأمه
وكأنك حاسس ماأنت راجع
قلبت علي قلبي المواجع
بكيت عيني يانور عيني
في لحظة ما دخلت القبر
وكل الناس تواسيني
وأنا بادعي يارب الصبر
أم الشهيد كلماتي ---محمد مفتاح
إرسال تعليق