الحياة لون المدافن بقلم ناصر عبد المقصود

الحياة لون المدافن
اللى ميت واللى ساكن
واللى عايش ناسى نفسه
واللى نفسه يعيش ولكن
كلنا أحلامنا واحدة
نشتهى من بعض ضحكة
بس ضحكة تكون بفرحة
تيجى فين والهم ماكن
الهموم رافضة تعدى
والدموع ع الخد عندى
والسنين أهى واقفة ضدى
والجروح مالية الأماكن
كلنا فى الهم واحد
نشتهى الفرحة اللى راحت
والأمل فى الجى جاحد
والمصير بقى لونه داكن
اضحكى يا سنين حياتنا
اضحكى بس براحتنا
ارحمى يا سنين حالتنا
واطردى الحزن اللى ساكن
الشاعر / ناصر عبد المقصود