صعب يا أمًا
لما ألاقى الخوف ماليكى
لما ألاقى الحلم ميت جوا فيكى
لما أحاول أفدى ولدى فوق ترابك
ألقى خوف الدنيا ساكن بين عينيكى
أيوه فاكر يوم ما ثورتى واتكويتى
والشيطان غواكى يا أما واكتفيتى
قمتى حنيتى لشيطانك اللى خانك
بعتى ولدى ومرة واحدة
وع الجبان يا أمًا جريتى
قومى يا أمًا صرخى علشان تعيشى
حسسينى إنى فى ضميرك ما تبعيشى
نفسى أشوفك صالبة ضهرك متنحنيشى
تسوى ايه الدنيا بعدك لو بكيتى
دمعة واحدة من دموعك تكوى قلبى
أصل مصر كلمة حرة ساكنة قلبى
منها روحى منها حبى منها صلبى
هى عمرى وهى أصلى وهى بيتى
اختلافنا فى النهاية ليه نتيجة
أما حبك جوا أحلامنا حقيقة
مستحيل نرضى بهوانك ولو دقيقة
قومى يا أمًا واسندى ضهرك بإيدى
صعب يا أمًا
لما ألاقى الخوف ماليكى
الشاعر / ناصر عبد المقصود
إرسال تعليق