****حاجة تحير *****
****************
فلاح نايم فى الطين
تتريق عليه ناس بيخين
شغل دماغك فيه ايه
خير الارض من ايديه
وكل اللى بتكله بيمضى عليه
مش بقلمه بس بفاسه
وبصمة ايديه ورجليه
تحت شجر التوت قاعد متهنى
رزقه على مقسوم وبيغنى
وانت تقبض ألفات وتأنى
* * *
حاجة تحير
واحد يكسب مليون
والتانى مش لاقى زبون
أبو مليون يحسد الفقير
والفقير يتمنى المليون
هو الخير فين بين الاتنين
واحد فى عربية اخر موديل حيران
بيبص اللى الاعلى وطهقان
وواحد راكب حمار فرحان
* * *
حاجة تحير
صحيح مش حاسس بالنعمة
ومريض يتمنى بصحة
الطفل عايز يبقى راجل
وفى كل شىء تاجر
والراجل يتمنى الطفولة
ويزعل بلوغه للرجولة
راجل بيحسد ستات
مرتاحة كل شغلها هات وهات
وست بتحسد راجل
لانه حر يهاجر
حاجة تحير
الكل عايز يتغير
د\محمد حسن 30\\20163
إرسال تعليق