دقت ساعة العمل الوطني \ بقلد د. عمر عبد الجواد

......(( دقت ساعة العمل الوطني))...د/عمرعبدالجواد
دقت ساعة العمل الوطني
في قلوب الأبطال
نرفع رايتك عالية يا بلدي
و نحقق أمل الأجيال
في يناير يوم خمسة وعشرين
وفي يونية بعده يوم تلاتين
اتحررتي يا بلادي من ظلم سنين
وقهر ولادك في بطالة وجهل الملايين
و محسوبية وفساد ورشاوي ....... مع إهمال

دقة ساعة العمل الوطني
في قلوب الأبطال
نرفع رايتك عالية يا بلدي
ونحقق أمل الأجيال
صبحت رايتك يا بلادي
في ادين شرفاء وطنيين
همهم أمنك وترابك
يفدوه بالروح والعين
و يحقق حلم ولادك
في عدالة وعليها أدي اليمين
بالأفعال نهضةحقيقة........ مش أقوال

دقة ساعة العمل الوطني
في قلوب الأبطال
نرفع رايتك عالية يا بلدي
ونحقق أمل الأجيال
ليه نستورد قوتنا و م الخارج نملي
بيوتنا حتي فانوس رمضان
مش هنعيش أبدا بياميش
وملابس خواجه أمريكان
حتي أكل القطه ولحم البطة
نستورده من بره كمان
ومن ادينا تضيع العملة ع اللقمة... و لعب الأطفال

دقت ساعة العمل الوطني
في قلوب الأبطال
نرفع رايتك عالية يا بلدي
ونحقق أمل الأجيال
فيه مصانع عبد الناصر أقامها زمان
غزل ونسج ومصر لحليج الأقطان
تليمصر بنها و النصر للسيارات
و بسكو مصر ومصر للكتان
ياريت ترجع و معاها نزرع
في الصحرا كام مليون فدان
ويعود مجدك يا بلادي ....بسواعد الرجال
دقت ساعة العمل الوطني
في قلوب الأبطال
نرفع رايتك عالية يا بلدي
ونحقق أمل الأجيال

د/ عمرعبدالجواد