لما لمحتك....
ولما لمحتك حسيت
جوه مني شئ غريب هزني
لما لمحتك حسيت بشئ غريب
جوه مني شدني
لما لمحتك ....
دق قلبي حسيت بنبضي
مش هنا.
تايه أنا .
وخدني هواكي وحلمت اني
بعبر حدودك وبوصل لحد سماكي
حلمت انك وخداني لبعيد
قلبي الي كان ساكن في صمته
بقي مش عنيد .
لما لمحتك ....
حلمت اني جمعت خيوط الشمس
علي شانك .
وغزلتها عبايه تدفيكي
حلمت اني خلعت جلدي
وجوه منها سكنتي انتي .
لقتني تايه جوه ف عناكي .
ولما لمحتك ...
لغه الصمت عندي بقت
كل الكلام وفي ثانيه خدني
هواكي لبحر غويط
وأنا مش عوام .
لما لمحتك ....
حسيت بعمري الي ضاع
عمري الي كان بيدور عليكي
وسط الزحام .
ولما لمحتك ....
ومن يوميها ولساني
مبينطق حتي الكلام .
لما لمحتك ..
كلمات /صلاح الطوخي
إرسال تعليق