{{جارى_البحث_عن_معنى}}بقلم بهاء اللبودى

وجارى البحث عن معنى ..

لأفراحنا . لاوجاعنا .

للمتنا. لضحكتنا .

ليوم الفرح ف حارتنا .

*

وجارى البحث عن قيمة

تبات تصبح... سلاح لينا

يزور النصر اراضينا

وتدمع من حناها العين .

*

وجارى البحث عن فكره

عشان بكره .نقوول ابره

فى كومة قش . او بذره

فيوم تكبر تكون ورده

ويرقص من شذاها الطير

*

وجارى البحث عن لعبة

تجيب بسمة تسيب ذكرى

لأولادنا

ل ١٠٠ بُكره

تدوم البركة و النعمة

*

وجارى البحث عن أخويا

ده تايه منى ....جوااايا

هموم الدنيا ... دى رحايا

وأخويا ده قلبى. وحشايا

*

وجارى البحث عن معنى ..

لأفراحنا .. لاوجاعنا .

للمتنا . لضحكتنا .

ليوم الفرح جار بيتنا

***