[ أنــا الــفــا شـــــل ] بقلم الشاعر / محمد عبد الفضيل

قصيدة
-----
[ أنــا الــفــا شـــــل ]
---------------------------

للشاعر / محمد عبد الفضيل
-----------------------------

أنا مش أول الدفعه
ولا خريج بدرجة عال ...
ولا ليا إيدين نافعه
أنا عاطل ومش شغال ...
أنا اليائس .. أنا البائس
أنا الـفــا شــل
في كل مجال ...
أنا الساكن
ف آخر دور
أنا اللابس هدوم كستور
أنا الشحات .. أنا البكات
أنا اللي طلبت منكو المال ....
أنا اللي بصقف الصقفه
بتطلع فوق تجيب هفه
وتنزل ليا ميت تفه
علي وشي .. وبكفي
جتك هفه يا عم وغور ...
لا عيبة كورة آخر عال ...
وفنانا عظيم رحال
ورقاصه في زي بغال
وتكريمهم في كل مجال
وتعظيمهم بقي موال ...
أنا المدفون ف أوهامكم
أنا المذكور ف أحزانكم
أنا الفاشل .. أنا النشال ...
أنا المرحوم ومالي لزوم
أنا المكتوم .. انا المذموم
وف الاخر تقولوا الحال ...
يا خلق في بلدي عال العال ..
أنا الماشي
ف بطن الحيط
تقولوا حويط
تقولوا عبيط
دي مش ناقصه
ياناس تنطيط
ولا شخابيط
خلاص الحال
ما عدشي الحال ....
أنا عاطل
ومش شغال
أنا اللي بدور
في كل موتور
أنا المبدور
ف أرض البور
أنا الثاير
ومش طايل
في بلدي يا ناس
لـبــا س دمـــور ........
------------------------------- شبرا في 9/3/2016 --------------