{{مشغولة ليه}}بقلم رمضان العلالقة

مشغولة ليه من أيام حياتنا

و تقولي خايفة م القدر

فرحت بيكي و حياة عنيكي

لحبك أنتي بأنتظر

و لما جيتي فرحت بيكي

و فرشتي قلبي ألوان كتير

فرشتي عمري بأحلى فرحة

و أحلام ناعمة زي الحرير

هفضل أحبك

و يعذبني بعدك

و أغرق في بحر م الحنان

و كل ما أطلع أغرق كمان

في بحر واسع و أمواج كتير

خليني أحلم

أحلامي البريئة

بس الحقيقة

لما قلت أحلامي بيكي

فوق تطير

و أسرح و أفكر في دنيتي

و شوقي ليكي و لهفتي

ألاقي قلبك زي وردة

ترقص تحت الندى

أحس عمري إنه أبتدى

و أحس بيكي

و تاخدني لحظة

أقول خلاص الهم راح

و أرجع أغير

أنسي الهموم

و بلاش نلوم

علي أيام حياتنا و القدر

و اطمني

قلبي ليكي يا دنيتي

و ما فيش خطر

و أي وحدة تروح

لقلبي تنكسر

قلبي أمان زي الجنينة

مزروعة ورد و أجمل شجر

و حبك أنتي يا أجمل

حبيبة انتصر

رافع رايات الحب

عالية ف السما

و أفرح أنا

و أقول

هي دي حبي الكبير

أعيش جنبها و في سجنها

محكوم عليا أعيش أسير