يوميات شاعر
-------------- [ إلي أمي ]
--------------
بقلمي الشاعر / محمد عبد الفضيل
--------------------------
وبتصبح
أنا وأخواتي يا أمي
علي صورتك
علي صوتك
علي ألمك
علي سكوتك
علي حيرتك ......
تقولي الاه ما بسمعها
قناع الصمت يمنعها
كأن الصمت
كلمني وسمعها
أنين مرضك .......
بتبتسمي
كده ف وشي
وأنا عارف
ومتأكد
بأن الاهه مكتومه
ورا ضحكه
بتعصر
في جبين وشك ......
ساعة بالفرح بتغشي
عشان ما زعلش يا أمي
وبتداري ورا
دمعك
ضجيج الاه وأحزانها
وتدعي المولي
ف ذكرك
ينجيكي و يرحمنا ....
وحشني
الأكل من إيديك
وحشني
حضنك الدافي
دا دمي بيجري
ف ورديك
يارب يشفيكي الشافي .....
-------------------- محمد عبد الفضيل ---------------------
إرسال تعليق