بين أطفال العالم
بين أطفال العالم شايف أنا طفل حزين ....
الكل بيضحك وهو دموعه ماليا العين ....
قربت أسأله يا حبيبى أنت منين .....
رد بصوت كله آنين ....
قال من عالم مش محسوب على البنى آدمين ...
قال أنا اللى دينى كان له قبلتين .....
أحنا اللى للعالم مجهولين ...
لكن أنا عربى وأفتخر بهويتى ....
وعارف أن دينى من ربى هو هديتى ...
وعارف أن الدنيا مش هى جنتى ...
بين أطفال العالم أحنا منسيين ...
والعالم بيوازن بينا لكن بمزانين ...
أحنا فى كفة الظلم والبؤس موضوعين ...
والمطلوب مننا مندمعشى حتى بالعين ...
أحنا أطفال العرب أتولدنا رجال ...
نمشى على الصعب نتحدى حتى المُحال ..
بسواعدنا نبنى حضاره حتى نهد جبال ...
نرضى بالمكتوب تحت أى حال ...
اللعب مش فى حياتنا زى باقى الأطفال ...
بنتولد وأحنا أصحاب قضيه ...
بنواجه من صغرنا كل الدول الأستعماريه ...
اللى عاوزه بلادنا تكون ليها هديه ...
بين أطفال العالم بنمشى مرفوعين الهامه ..
كفايه أننا عرب ومعروف عنا الشهامه ...
طفل ومش عايش حياة الطفوله ...
طفل لكن بين أطفال العالم معروف عنى الرجوله ...
بقلـــــم: عــــــادل الشــــــهــــابى
إرسال تعليق