كفر ياسيدي معناها قريه
طيب قولى مين الشيخ
حاضر بس شوية ميه
ابلع بيها واقرا تاريخ
واضح جدا الشيخ طلحه
على اسمه سموها الناس
زاهد عابد جاب الفرحه
افتح واقري ف الكراس
بالتحديد سته وخمسين
هجم الغرب نويها خراب
جاي بيعادي جدنا فين
غامر عافر ليله هباب
سفنه تخوف قلب خفيف
زوارقنا وحماسه تعدي
وشجاعه مش قلب ضعيف
ورجوله واسود وتحدي
معركه حاميه الموج عالى
يا برلس رايتك مرفوعه
كفر الشيخ والشعب الغالي
خلى الغرب الراس موجوعه
إرسال تعليق