ما تصلوا على الحبيب محمدِ ................................... نور الشمس صحانى و ظلام الأمس قالى نام تانى و كل ما اجى اقوم يشدنى و يقولى نام تانى و يهدنى أصله ابن كلب دنى عايز يعيش لوحده و يهدنى عايزنى فاضل نايم و يصحى بس البهايم لاجل ما تسقى له أرضه و تحافظ على دينه و فرضه و كل ده بشوية برسيم و كفايه انها بره بتشم النسيم نسيم الحرية امال ايه و هى دى شويه يا بيه اشتغل اعمل و ما تسأل ليه هو فى اكتر من كده حرية يا بيه نور الشمس صحانى و ظلام الأمس محانى و تسمع عنى بس فى الأغانى و لا فى الأمانى و ظلام الأمس أصبح ظلام اليوم و سلمت أنا للنوم و فضلت نايم على طول هو فى أحلى من كده و لا حد يطول و كفايه انى بحلم اكتر من كده يبقا اتعديت الاصول و بقيت سهل المنال و الوصول خلينى عايش للحنان و للحنان فصول يمكن ينوبنى شيئ من المحصول أصل ظلام الأمس فارد جناحه و بارد قوى سلاحه لكن نور الشمس هيفضل يطلع يشد قلب الليل و يخلع لأنه حق و الحق سرمدى مهما جه الباطل يقول للناس اخمدى لأنه حق و الحق سرمدى ما تصلوا على الحبيب محمدِ محمد أبوالمعاطى
إرسال تعليق