حد فاهم حاجه ؟ بقلم \ أحمد شاهين
عندى إنفصام
وُمش فاهم ولا حاجه
ثوره دى كانت
ولا عباطه وسذاجه؟
حلم . حلمناه وكان
تفسيره ولا حاجه
قتل وحرق . وضمير
محبوس فى تلاجه
مسرح. فصول . ومشاهد
قتلى . ومليون شاهد
والحُكم
حسب القواعد
ثغرات ومُستندات
أحكام
وبالبراءات
والشعب برضو قاعد
عمال بيتفرج
هو إحنا بنهرج
يمكن ؟ وبنعاند
وإللى جايين بالخير
دبحونا بالتغيير
قتلونا . بلا ضمير
وبقينا فى ورطه
ثوره
ومن غير زعيم
مغلوطة المفاهيم
محتاجه للتقويم
معقوله كات غلطه
دا حلم ولا كابوس
أشباح دى ولا نفوس
ما هو كل شئ مدروس
وفى يوم عيدالشرطه
ما بقيتش فاهم حاجه
حتى التاريخ إتزور
دى ثوره ولا مؤامره
واهو لسه بندور
كلمات \ أحمد شاهين
24 \ 1 \ 2016
إرسال تعليق