{{لغة الغرام}}بقلم نجلاء عزت

الصمت صوت

ميسمعوش غير قلب شاعر

و الصمت موت

بتتحرق فيه المشاعر

معقول اكون حاسّاك

وافوت حلمي واهاجر

معقول تكون حاسس

بهمسة قلب حاير

مليون سؤال

بيسأله قلبي ف سكوته

مليون سؤال

خايف الاجابة تبقى موته

ينزف دموع

يصرخ و لا يطلعش صوته

ساكن يا عشقي ف الضلوع..

وان قلبي فاتها ابقى فوته

موجوع لكن من غير كلام

تبدر على الارض السلام

النور يرفرف ف الصدور

تطرح اراضي و هيّ بور

همسات ما بين عصفور جريح

بيقول حكايته ف قلب ريح

تجرح قلوب اقسى البشر

و ينتحر ورق الشجر

و يطبطب الليل ع الزهور

و الصمت يفضل ف القلوب

لغة الغرام