{{الحقيقة المره }}بقلم الشاعر مصطفى ابو الدهب

مات الحلم جوانا

من واحنا كنا صغار ..

وعدينا الخطوة والتانيه

بدمع العين والخطوة

يا عيني مرار ..

وادينا ماشيين بدون أحلام

بنسند عل جنبينا

يمكن يساعدنا

يمكن يساندنا

يمكن يعدينا

ونحلم من تاني يا وطني

ببداية المشوار ..

إحساس العجز مش ساهل

وانا شايف وسامع والقلم

عاجز عن الكلام ..

تعبت اقول اصحوا يا عرب

وفوقوا بقا من النوم

ومن الاحلام ..

عدوي و عدوك دخل بيتنا

واتربع على الكنبة

شرب الدم وأكل اللحم

وقال يا غرام ..

و احنا باصين تحتنا شوية

وورانا شويتين

بنقول تاريخ

ونقول شعر ونغني

ونسمع فمثلثلات وافلام ..

هيا كدا حياتنا

زي ما رسموهالنا

خط واحد ماشيين عليه ..

انتا تفضل زي منتا

بدون كلام بدون عنوان

تبقا شاطر وتاخد

حسنتك من البيه ..

ميت في صورة عايش

ماشي على الأرض واقف

والأرض ماشيه عليه ..

عشان تعيش في أمان

انتا وعيالك لا تقول لأ

ولا تقول بيجرى ايه ..

جهل ومرض وقلة أدب

وانا مش بلومه

مهو راكب ومش ماسك

الزمام باديه. .

خوفنا منا هوا أكبر هم لينا

وراح عطر اللمة واتقسمنا

واتفرقت خطوينا ..

اتزرعت جوانا الخيانة

وماتت فينا الأمانة

والحر فيك ياوطن

قطعوا لسانه

والندل اللي باعك ياوطن

علوو مقامه

وفي الأصل خاين

وابوه عميل ..

حسبي الله ونعم الوكيل