صاحبي اللي كان
اااااااااااااااا
صاحبي يالي كنت
صاحبي ايه جرالك
فوتني وعطيتني ضهرك
فين وعودك فين كلامك
ماشي جنبي ومش
شايفني فين سلامك
واما جيت انده عليك
سديت ودانك
لساني عمره ماقلك كلمه
واحده تجرحك ولا حتي لامك
كنت باتحجج واجيلك انده
عليك رغم خصامك
مين ياصاحبي حافظ عليك
مين ياصاحبي غيرى اللي صانك
وكنت مابخلصشي منك
ولا حتي من طولة لسانك
رحت للي باعوك ياصاحبي
وعرفت مين هوه اللي باعك
غرتك دنيا غروره
ولا غرك كتر مالك
ودارت الدنيا عليك
وشقلبت الدنيا حالك
خنت عهدي وبعتني
شوف ايه جرالك
مش بايدى امد ايدى
وامسح الهم اللي جالك
جي دلوقتي تصالحني
لما الزمن فرمك وداسك
لما داقت الدنيا بيك جتني
جرى وفوت ناسك
فاكر زمان وانت ف عزك
بعتني وبعت ناسك
وانت ليه مستني منا
نفضل كده علي مقاسك
شفت ايه ف الدنيا ديه
ماتشاويش يابني مداسك
وانت عارف انت ايه
وانت عارف ايه اساسك
ااااااااااااااااال
بقلم جبريل رضوان
إرسال تعليق