مطر ومطر بقلم محمد حجاج

مطر ومطر
فى ليله ما طلع فيها القمر
اتلم الخلان واستعدوا للسهر
هبت عواصف شايله رمال
ترميها فى عيون البشر
وصوتها أعلى من صوت البقر
وهى بتتنحر
قلنا : إيه الخبر؟
قالت السما :دى خطايا البشر
وبكت .وكانت دموعها مطر
دموع فرح......ودموع ترح
دموع على الأرض نازله تنهمر
تروى الأرض...وبعدها تخضر
والبركه نازله مع المطر
ويتنصب الفرح ويزيد الخير
وف حينا...ما حد قدنا
طين ووحل وزحل من المطر
والطين يصاحبك ف مخدتك
والأمريبقى جلل وتزحلق رجل
ويمكن ايد ولا رقبه تنكسر
ولا بيتك يقع ..أو يندثر
وتحت الأنقاض انت وعيلتك تستقر
اختار الموته اللى تريحك وانت حر
اختار الموته اللى تنهى بيها العمر
فى دوله الإهمال فيها انتشر
بقلم :محمد حجاج