احتجاج زوجة
احتجاجك عدى البوادي
جاني جافى
وفى شفايفه دمعه تايهه
في عينيه ميت سؤال
بره حضنك كنت تايه
وقلبي مدفون في الرمال
بعد بوحك يا أصيله
هب يحبي يبوس إيديكي
ويطلب من عينيك
الصفح والسلوان
قبل منك عمري ولى
لكن معاكي العمر جاي
احتجاجك جه لقاني
في ساقيه مربوط
وفي حنكي اللجام
ما الغربة صعبة
وأنتي عارفة يا أم العيال
وإحنا اتفقنا نتعب
ونتحمل يومين لأجل
ما نجيب قرشين
يسندوا في الدنيا العيال
تحتجي ليه يا حبيبتي
وأنتي جوه قلبي
ومعاكي العيال
أنا سيبت نفسي
في الساقية علشانك أنتِ
علشان بحبك
وما أحبش ينطفي
في عيونك نهار
علشان تعيشي مرفوعة
الرأس وسط الجيران
وحلمنا نحلمه في الضي
ليه نحلمه
في الليل المباح
معلش استحملي هانت
ده مفيش أسرع
منها جري الأيام
أوعي تفتكري أني
بعيد عنك عايش
وحياتك يا غالية
من الشقي بترمي
على الحصيرة جيفه
وما بقيت عارف
ليل من نهار
أنا بعيد عنك يا غالية
عايش كفيف وسط
عالم من الطرشان
لكن تصدقي
والله وحشتيني
وحشتني قمصتك
وضحكتك وأنا بصالحك
وبتجري منى كما الرهوان
لكن في الأخر ياحنينه
بتستسلمي وتحطي
راسك في صدري
وتقولي مسامحاك
ده أنت أبو العيال
طارق صابر عبدالجواد
احتجاجك عدى البوادي
جاني جافى
وفى شفايفه دمعه تايهه
في عينيه ميت سؤال
بره حضنك كنت تايه
وقلبي مدفون في الرمال
بعد بوحك يا أصيله
هب يحبي يبوس إيديكي
ويطلب من عينيك
الصفح والسلوان
قبل منك عمري ولى
لكن معاكي العمر جاي
احتجاجك جه لقاني
في ساقيه مربوط
وفي حنكي اللجام
ما الغربة صعبة
وأنتي عارفة يا أم العيال
وإحنا اتفقنا نتعب
ونتحمل يومين لأجل
ما نجيب قرشين
يسندوا في الدنيا العيال
تحتجي ليه يا حبيبتي
وأنتي جوه قلبي
ومعاكي العيال
أنا سيبت نفسي
في الساقية علشانك أنتِ
علشان بحبك
وما أحبش ينطفي
في عيونك نهار
علشان تعيشي مرفوعة
الرأس وسط الجيران
وحلمنا نحلمه في الضي
ليه نحلمه
في الليل المباح
معلش استحملي هانت
ده مفيش أسرع
منها جري الأيام
أوعي تفتكري أني
بعيد عنك عايش
وحياتك يا غالية
من الشقي بترمي
على الحصيرة جيفه
وما بقيت عارف
ليل من نهار
أنا بعيد عنك يا غالية
عايش كفيف وسط
عالم من الطرشان
لكن تصدقي
والله وحشتيني
وحشتني قمصتك
وضحكتك وأنا بصالحك
وبتجري منى كما الرهوان
لكن في الأخر ياحنينه
بتستسلمي وتحطي
راسك في صدري
وتقولي مسامحاك
ده أنت أبو العيال
طارق صابر عبدالجواد
إرسال تعليق