لك وحدك*
*
إوعي ياقلبي
*******
شفت ياقلبي ازاي بيحن
شفته ازاي عمره مابيضن
رغم بعاده هنا ويانا
لو يوم نبعد عقله يجن
حاسس بيك ويداري عليك
قلبه شاريك وبيسمع ليك
من غير شكوي والا تئن
عاوز اكتر من كده ايه
شفت ياقلبي....
شفت ياقلبي ازاي بيحن
وبيختار الكلمه الحلوة
اللي بمعانيها ترضيك
أول متنادي يلبيك
شفته ازاي سامع شكوتنا
من غير مايخطي باب بيتنا
عايش ويانا جوا حياتنا
شفت ياقلبي ....
شفت ياقلبي القلب الطيب
ازاي بيداوي ويطيب
عمره ماحن عليك بغباوة
ولاطالبك ابدا بإتاوة
حِبُّه ياقلبي ياللا وقرب
اوعي تخاف منه ولاتهرب
خليك جوا قلبه الابيض
شفت ياقلبي ....
عمره ابدا مبيحسبها
خسران ايه ولاايه المكسب
ولا بيطالب يبقي حبيبنا
عايش كده علي عزة نفسه
ولايشغلنا معاه ولابنتعب
شفت ياقلبي .....
اوعي ياقلبي تقسي عليه
والا في مرة تبيع لياليه
خليك فاكر ليه الخير
وان يوم مرة غضبت عليه
اوعي يهون واتمسك بيه
طول العمر ماهونت عليه
شوفه ازاي شايلك في عنيه
اوعي ياقلبي ...
اوعي ياقلبي تبعد عنه
خليك صاحب رحلة عمره
ولا تقسي عليه ولا تحاسبه
كونله الزهرة اللي بعبيرها
ترد له روحه وتهوِّن له
شوف ازاي عايش علشانك
اديله اللي في امكانك
وسك عليه رمشك و عنيك
اوعي ياقلبي
،،،،،،،
*******
عبله موسي
إرسال تعليق