{{ ســـــــــــــــلام }} بقلــــم عادل الشهابى

سلام سلام سلام ....
سلام وبدون كلام ....
على دنيا ما فيها امان ...
بتيجى على الغلبان ...
وبتحرم الجعان ....
غلابه كتير ماشيين ...
فى الدنيا مهمشين ....
فى الطل كمان نايمين ...
فى البرد عرينين ...
مين سأل عليهم مين ...
سلام عليكى يا رحمه ...
توهتى وسط الزحمه ....
ماعدشى ليكى لازمه ....
سلام عليكى يا قلوب ....
ما تصدقى وتقولى مكتوب ...
فى الشارع ام وولادها ....
من البرد ما حد نجدها ...
بالهم الكل زادها ....
شوفوا يا ناس أطفال ...
حلوين زى الأزهار ....
والله ماهم كفار ....
آه على قلوب الناس ...
راح منها خلاص الاحساس ...
سلام سلام سلام ...
مش لاقى خلاص كلام ...