GuidePedia
بردنا أصبح شديد
والغطا مبقاش يدفي
واشتكى منا القديد
رزقنا ماهوش مكفي
حتى انا زي الوليد
مش عارف فين هو كفي
كل شيء أصبح بعيد
كل حاجة مش ف صفي
الحجر أصله نطق
والشجر حتى اشتكى
حلمنا منا اتسرق
قوتي بقيت ورق
حل كمان مكانها ضعفي
نخلنا بقى ف العلالي
طارح الخيبه قبالي
بسمة ماهي مكتوبالي
ياعيوني بلاش ترفي
والسما بقيت حزينة
هوا حالنا اللي بيعادينا
برق رعد جايبهولنا
حالي مش عاجبه حرفي
إبراهيم بدر عبدالله
Top
إرسال تعليق