GuidePedia
يوم ميلادها
هو هو يوم وفاتها
والنهارده قلبى عايش
جوه منه ذكرياتها
المكان هو المكان
اللى كان جامع ما بينا
والزمان نفس الزمان
بس تاهت حاجه منا
هى فين انا مش لقيها
اللى ياما حِلمت بيها
اللى كانت ضى عينى
ومًرسى عمرى كات عينيها
النهارده عيد ميلادها
وهو هو ...يوم وفاتها
عدى عام من بعد عام
والكلام عن ذكرياتها
لسه فاكر شمع قايد
وسط فرحه من عينيها
لسه شوقى ليها زايد
لسه واهب قلبى ليها
لسه ايدى حاضنه ايدها
فاكره لمسه شوق ايديها
فاكره ان اليوم ده عيدها
والدموع ...عينى تداريها
كنت اخاف اطفى الشموع
او اغمض لحظه عينى
أو تزورنى ف يوم دموع
وانسى قلبى ونن عينى
لسه فاكر كل كلمه
كات تقولها يوم ميلادها
كلمه منها ومنى كلمه
كات بتبقى من حياتها
كل عام أنا ف انتظارها
تيجى تانى وتانى اشوفها
آه من الفرقه ومرارها
آه من الوحده وخوفها
هى فين شمس النهار
ليه مانعها ياناس كسوفها
تيجى تطفى ف قلبى نار
لمسه واحده من كُفوفها
النهارده عيد ميلادها
وهو هو يوم وفاتها
واللى باقى بينا ذكرى
وقلبى عمره يوم ما فاتها
Top
إرسال تعليق