بدندن بقلم للشاعر علاء زايد

بدندن -----------
بدندن لما ابقا رايق
واغني اجمل
غناوي
لما ابقا
ناوي اشوفك
و انت ناوي
ان احنا
بكره نتقابل
واحكيلك
وتحكيلي
حكاوي

بدندن
لما ابقا ماشي
في الطريق
الي انا وانت فيه
هنتقابل
واقول لاشواقي
خلاص هانت
كلها دقايق
واشوف
اغلي الحبايب
واشوف
اجمل عيون
واحن
مخلوق
في الدنيادي
الي
ياما
قولتله
مواويل
وكتبتله
باشواقي
قصايد
بدندن
والطير يرد ورايا
والقي الافراح
قدامي وورايا
مشتاق لضحكايا
م الي حببني
في دنيايا
الي من اول امبارح
ما شوفتوش خالص
وكانه بقاله زمان
عني غايب
حاسس اني
غريق ف البحر
وما معاييش
ولا مجاديف
ولا حتي قارب
عطشان
وانا لسه شارب
عارفك اكيد
بتشرق كتير
ما انا علي طول
في سيرتك جايب
يا ابو لون قمحاوي
خلاني مجنون
وعملني حاوي
بدندن لما ابقا رايق
واغني اجمل غناوي
..................
علاء زايد
موثقه
بدندن
..