{{سألونى عنك }}بقلم إيمان إبراهيم

سألونى عنك ... ؟

أحترت أرد بأى كلام ؟؟

وخدنى كلامهم للأوهام

سرحت بعيد

وقولت أكيد

ده لو عرفوا أنه لقلبى قريب .. يلمونى

وأخاف أقول ده حبيب .. يحسدونى

ياااااااااه دانا قلبى تاااااااااه

وقولت لعقلى ده إيه معناه

حبيت ؟؟!! لا لا لا لا لا

حسيت الدمع بيجرى فى جفونى

وخوفت تبان اللمعه فى عيونى

لقيت الحب فى قلبى بدء يطرح

والبسمه على شفيفى كده بتفرح

وعقلى هناك لبعيد بيسرح

وسمعت صوت بيقول

...............أنا مروح

بصيت لقيته قدامى

وعينيا فى عينه وخدانى

ياااااااااه دانا قلبى تااااااااه

وقلت لعقلى ده إيه معناه

حبيت ؟؟!! لا لا لا لا لا

حولت أدارى لهفه قلبى

وأخبى عليه شوقى وحبى

لقيته برمشه بيسلم

وهوايا فى قلبه بيعلم

شاورلى وقالى تعالى

وسألنى ؟؟

ممكن نقعد نتكلم ؟؟

يااااااه دانا من زمااااااان مستنياه

رديت عليه وقولت لا لا لا لا لا