GuidePedia
من ورا النضاره :
شوفت اتنين واقفين كأنهم ستات
مش عارف مين أمي ومين خالتي
م أنا طول الليل ع النت وبعمل شات
يا دوب شايف وأنا خايف وشوفي طشاش
م أنا فاضي ومش راضي وشغلي ضعيف
ومضيّع وقتي ف السهرات وكلام تخاريف
وصحيت مسطول وعيوني ماليها عماص
م نيش هايص ولا لايص ولا خبّاص
عقلي كبير ومتعلم وماليه إخلاص
وكان لي صديق كداب وكمان هجاص
طول الليل ع النت وطول اليوم ع السات
لامم شله وف بيته عامل نادي
ومراته يا بيه طول اليوم ع الطلبات
موجوعة وبتئن من جوزها البيه وبتهاتي
تعمل ايه مع زوج عاطل وعايش ع الاستلافات
وأنا بالودّ وبالخلاص نصحته كتير
لكنه عاصي ومش راضي ومشاكله كتير
قررت أسيبه في ضلاله بعد التفكير
عاوز أفوق لبيتي وصلاتي وللتكبير
وأروح شغلي وأنا فايق وذهني نشيط
وأفوق لنفسي وأولادي وأعيش ف النور
وأقضي حياتي راضي ربي وأموت مستور
Top
إرسال تعليق