{{ انا البايع فى أفكاركم }} بقلم الأستاذة سعاد قنديل

أنا البايع في أفكاركم
وبتزايدوا علي عروبتي
أنا الواقف ومش خايف
وأفعالي عنوان لرجولتي
أنا ال بحمي قبلتكم
اللي حررها صلاح الدين
أنا مولود واسمي شهيد
لان موطني فلسطين
بحلم إنه يجي عليا العيد
وملاقيش فيها محتلين
أنا ال برهبهم بحجارة
ما يهمنيش الرصاصة جاية منين
وأختي حرة زيي تمام
حورية بتتزف للجنة
معرفتش كلمة استسلام
شهيدة في يوم الحنة
واولادي مكملين قصة
شعب صامد ومش بيئن
في وسط شعوب مهيش حاسة
الصخر جنبهم بيحن
ضميرهم من زمن نايم
يفوق نومة أهل الكهف
تصرخ يا خلق يا عالم
ما يتهزش لعيونهم طرف
لكن عشان اكون منصف
فاكرينني دايما ف بوستاتهم
واول ناس كمان تعرف
تغير صور بروفايلاتهم
مرة تلاقيها ‫#‏للدرة‬
ومرة للطفل ‫#‏دانيال‬
وأحس منهم النخوة
لكن يبقي نفس الحال
عوضي ع الله في عروبة
بقت كلمة بدون أفعال ‫