غمضت عيني و في حالي سرحت
راجعت تاريخي من فوقه لتحت
قلت لنفسي ده أنا ياما فرحت
و ياما كمان قسيت و جرحت
...
إية غيرني و بدل حالي
لازم فى إجابة لسؤالي
خايف يمكن حاير ممكن
مش شايف غير بس خيالي
..
تايه محتار مش لاقي سبيل
مين يجاوبني و لو رد جِمِيل
رد صوت جوايا أصيل
سيبها على الله رب التساهيل
..
قمت أسبح و أصلي العصر
غسلت همومي و عصرتها عصر
و دعيت له يكون لى فى جنته قصر
و أخرج من همي أنا و انتو و مصر
إرسال تعليق