(اراجوز) شعر \ أحمد التبينى

(اراجوز)
شعر \ أحمد التبينى
!!!!!!!!
اراجوز ومدلدلينه بخيط
م الاخر دلدول
بيشدك من مكياجه
من كل المرسوم على وشه
من هزه وتغيير الصوت
اراجوز بيتشكل ..يتحنجل
لو بس تركز فى عمايله
مش ممكن رح تضحك ابداً
وهتمنع صوتك يتبرجل
او انه يروح للزييف ..ويموت
اراجوز وبيعلن عن ذاته
ويعاهدك قسماً بحياته
وبيغمز بعنيه للكواليس
ويبين جناحات بتنور
حتى ف نفسه كمان بيزور
ويبان طيب..طيب !
عايزك تعرف بقى م الان
اننا فوقنا
كُتر الخبط كتير على راسنا
خلا عنينا كانها ليزر
بنشوف بيه الوش المخفى
ف اوعاك تدهن
اسود وابيض واحمر تانى
وانت مفكر اننا عُمى مابنمييزش
لاء ياحبيبى ! علم الام مايتزيفش
علم الام مايتزيفش
مع تحياتى
احمد التبينى