عرفتك === بقلم (حسن الاقصري)

بقلم (حسن الاقصري)
عرفتك قبل معرف حد
وإديتك حب فوق الحد
وهبتك عمري وسنيني
وشلتك فوق رموش عيني ...
وبعت عشانك الدنيا
وعشت أستنا منك رد
عرفتك قبل معرف حد
سهرت ليالي أفكر فيكي ياعنيا
وبعنيكي أشوف الدنيا حواليا
سهرت الليل ودقت الويل
وأنا مستني منك رد
عرفتك قبل معرف حد
كل إلي بنا راح
ومليت حياتي جراح
داؤيت حيرتي وحرماني
وطعم المر فلساني
صبرت وصبري كفاني
وملقتش لحنيني حد
سهرت سنين علشانك
أشيل حزني وأحزانك
سافرت بلاد علشانك
لاقيت بابك في وشي إترد
حزنت وحزني بكاني
ومعدش يهمني تاني
ولا حتزل تاني لحد
خلاص جرحك فقلبي انسد
والحلم إلي بنا إنهد
ولا مستني منك رد