**يتيم العلم **بقلم الاستاذ/د.عمرعبدالجواد**

.......يتيم العلم.........
يا ما كان نفسي زماني
يحن ويرق لحالي
و أقف في الصف التاني
واتعلم ولا أقول آه ياني

اقرأ لوحدي وأكتب
و أمسك قلمي وأحسب
ولا أقف كده مستغرب
للي بيحصل قدامي

وانا لابس لبس نضيف
بس حد يقولي كيف
وانا عايش علي نص رغيف
وباقضي ليلي ع الرصيف
ولا حد داري بأحزاني

انا مش مانعني عنكم سور
و لا رصيف وبيت مهجور
انا الجرح ف قلبي محفور
وهموم الوحدة كوياني

اشكي لمين حالي
ومين هيسمع لموالي
وانا شايف واقف قبالي
صحبة حلوى عحباني

نفسي ينصفني زماني
ولا تضل الدنيا محارباني
ابويا مات ما رباني
وربنا كبير مش ينساني

مش لازم ابدا ايأس
و لا اعيش حياتي متنغص
لو ادام المحلات أكنس
هتعلم و لا أقول آه ياني

د/عمرعبدالجواد