{{أسمع _وشوف}}بقلم ولاء عدنان

إسمع وشوف يامحترم..

قالوا دى مصر بتنتفض..

وولادها ثاروا على الفساد..

طيب وحق إللى إنظلم..

قالوا هايرجع....والبلاد..

راح تبقى من آحلى البلاد..

روحنا الميدان..

وقلوبنا حاضنة حلمها..

بس إللى كان وإللى حصل..

خيط الفساد كر وفلت..

والظلم زاد...والقهر زاد..

أما الفقير وحده إتفرم..

إسمع وشوف يامحترم..

مصر إللى صانت عرضها..

جارية بتتباع ف المزاد..

بيبيعوا فيها ويشتروا..

ولا عادش خير بين العباد..

ولما قالوا بتتولد..

راحوا وسابوها ف المخاض..

داسوا عليها بالُصرم..!!

إسمع وشوف يامحترم..

بيقولوا ع الميت شهيد..

نزعل شويه ونحتسى..

من كاس دموعنا الممطرة..

ويادوب.. يومين وبيتنسى..

والعدل بقى إسمه إفترا..

والكرة بينا ياخلق ساد..

ونسينا أيه معنى الكرم..

إسمع وشوف يامحترم..