رساله الى كل اسره بقلم // عونى هشام

رساله الى كل اسره
========== عونى هشام
ادبنى كبريته يا معلم
سيجارتى ساكته مزاجى مش عال
ولعها الطاسه هتعلم...
واخد نفس يطلع فى الحال
ال ايه مزاجه مع سيجاره
ويلف ويدور فى الحاره
يرمى الكلام فى شمال ويمين
ما يهمه عمه ولا جاره
سيجارته دى مليانه فيتامين
وراسه دايره ودواره
بالذمه ده من بنى ادمين
العقل راح تاه يا خساره
بيشم بودره وفيها كوكايين
ويضرب الحقنه ويمشى
يمشى فى طريقه ما يعرف فين
ومشاكله زايده ما تخلصشى
ابوه وامه كمان نايمين
واخواته فيه ما بتسألشى
لا فيه رقيب ولا حد امين
والكل بيقول ما اعرفشى
مسكوه تحرى فى خرابه
ال ايه بيعزف بربابه
قاعد فى شله من الفاسدين
بيمسى وف ايده الغابه
ياخد نفس وكمان نفسين
راح فى غيبوبه لافندى
سابوه مكانه وراحوا طافشين
شالوه فى بوكس كان معدى
مدريش بحاله وايه ماله
طلبوا ابوه فى اوام جاله
قام يبكى بعد خراب مالطه
طب كنت فين لما دا جاله
وادى نهاية شاب يا ناس
خلوا ولادكم جوه الراس
بلاش تسيب ونسيبهم
خليك رقيب خليك حساس
بلغت اتا رسالتى عليكم
الله يعينى ويهديكم
التربيه محتاجه اساس
سلام بقى واسيب معاليكم
تحياتى
=============
/// عونى هشام ///