رساله ابن الي ابيه الغائب
ااااااااااااااااااااااال
فين انت يابه فين
فين غايب من زمان
وليه تحرمنا منك
ويعيرونا الجيران
ويقولوا فين ابوك
انت متعرفلوش مكان
ليه بس يابه ليه
تسيبنا للهوان
وتخلي دموعنا حايره
مع قسوة الزمان
فين انت يابه فين
فين غايب من زمان
سالت امي مره
قلتلها انت فين
سكتت امي مردتش
ردت بدمع العين
قلتلها بتبكي ليه
قوللى وريحيني
قوللي بالصراحه
ببكاكي بتجرحيني
قوللي عنه كلمه
قوللي وفرحيني
وبرده سؤالي لسه
مش لاقيله جواب
واحترت مابين جيراني
والاهل والصحاب
وانت مراضي يابه
حتي تبعت جواب
خلاص تعبت يابه
م الهجر وم الغياب
ابعتلي كلمتين قوللي
انت يابه فين
فين انت يابه فين
فين غايب من زمان
ده جه العيد علينا
والناس عيدت
واحنا قعدنا نبكي
والامنا اتجددت
حتي البسمه ف حايتنا
راحت واتبددت
فين انت يابه فين
فين غايب من زمان
ده سلم بيتنا يابه
مستنيك تطلعه
والفرح ف بيتنا غايب
وامتي ترجعه
والحزن اللي ف حايتنا
امتي نودعه
والشمع ف بيتنا مطفي
وامتي تولعه
فين انت يابه فين
فين غايب من زمان
اااااااااااااااااااااا
جبريل رضوان
إرسال تعليق