{{ ولاد الإيه }} بقلم الشاعر الأستاذ / عزت عبد العزيز حجازي

ولاد الإيه!!
********

واحنا قاعدين في قلب البيت ..

أنا وصاحبي الوحيد في الحي ..

طبوا علينا ولاد الإيه ..

حكومه وشله مش هيَّه ..

فتش وهات واقلب في البيت ..

واحنا لا حول ولا قوه ..

سألنا وقلنا جايين ليّه ..

جانا الجواب مش هوا ..

وهُب (الكلبش) بقه في الإيد ..

إيدي وإيد صاحبي (هنيَّه) ..

لا بينا كُنا ولا علينا ..

قال إيه بتوع الشرعيه ..

لو كت دي تهمه يا ناس طب ليه ..

م الأصل قالوا عليها ثوره .. !!!!

*****

غنائيه بالعامية المصرية
من كلمات
عزت عبد العزيز حجازي
30/10/2015
(حقوق التأليف والنشر محفوظة)