ف المغربية شفت غزال بقلم أ عبد الله الهوارى قنا قوص جرا جوس

ف المغربية شفت غزال
ماشى بجماله يتعايق
فجاة وقف قبالى
ف ثانية اتغير حالى
ودق قلبى الخالى...
وضرب زى البنادق
رموشه رماح وسنان
ابتسم لعينى بحنان
ظهر سنه وبان
ابيض من لبن رايق
محلى الكحلة ف عنيه
لابس ساعة ف ايديه
غرقانه بالحنة كفيه
ساكت وحسنه ناطق
حبه ملى كيانى
هنيت قلبى وهنانى
والساعات عدت ثوانى
اتمنيت يستنى دقايق
لكن مشى ف امان
مشى وساب المكان
وهمل قلبى عشمان
يرجع يمتنا شاقق.

 

 الشاعر عبد الله الهوارى قنا قوص جرا جوس