((روحي أنا))
واحشني ياعمري
ياحبي أنا
ياكل آمالي
ياأغلى مُنى
فى بعدك ما شوفت
ولا مرة هنا
خاصمني الفرح
ونسيت الغُنا
بعدك ثواني
يأسي زماني
يطَّول يومي
وكأنه سنة
فرحي الحقيقي
خاصم طريقي
توهت وتاهت روحي
مني أنا
واحشني ياعمري
ياحبي أنا
واحشني أقولك
أهلاً حبيبي
وسلم عليك واحضن
إيدك بإيدي
تاخدنا الفرحة
ياخدنا الهوى
نرسم ونمشي
طريقنا سوى
نطير ف العالي
على جناح الهوى
نعلا ونوصل
لأبعد سما
وارضى معاك
بختي ونصيبي
والطير يردَّد
ورانا الغُنا
نعيش حياتنا ويدوم حبنا
واحشني ياعمري
ياحبي أنا
واحشني الليل
أعيشه معاك
تحكي هوايا
وأحكي هواك
قصة جديدة
عرفها الهوى
كتبنا سطورها
ياروحي سوى
من غير جراح
من غير ألم
مافيهاش خداع
أو حتى ندم
فيها العشق
ومنها الدوا
حبيبي حياتي
عمري فداك
بايع الدنيا
وشاري هواك
انت الدنيا
وكل المُنى
انت حبيبي
وروحي أنا
واحشني ياعمري
ياحبي أنا
بقلمي
أحمد الغرباوي
إرسال تعليق