نعيش دقائق مع الام الفلسطينية في عبدها ماذا تقول
============================
الجاره بتحكي مع جارتها
بتمتم في حكي
مع دمعات حسرتها
بتشكي شو عملت
\الهجرة في حالتنا
بقينا من الصبح نسري
على الأرض نحرثها ونزرعها
ونقطف خيارات بلادنا
منها للبيع وللجار
والباقي على الفقير انوزعها
أيام الحصيده عمي وخالي
حتى جارنا
في ايده المنجل بساعدنا
وأيام قطف الزيتون كانت لمتنا
قعدات وراحة بال والمحبة تجمعنا
أبريق الشاي على النار
وزجالنا بالميجانا والعتابا يشد من عزيمتنا
آآآآآآآآآآآآآآآآآآآآآخ يختي يا أم احمد
تفرقنا وتركنا فرحتنا على أرض قريتنا
حملنا الهم وصابرين
والدمعات صارت هي عيشتنا وحكايتنا
أحمد أستشهد وعلي لحقه في يوميته
وجارنا أولاده واحد في السجن
والثاني مع الثورة بقاتل من اجل كرامتنا
والله أشتقنا للأرض اللي ربتنا
=======
بقلمي الأديب د. رسمي خير
كلمات الصوره للدكتورة عدالة جردات مع الاحترام لها
إرسال تعليق