ملعونه يادنيا البشر بقلم الشاعرة الهام شحاتة

ملعونه يادنيا البشر

***************

الدنيا دى مسرحيه
وكلنا فيها عايشين
فيها اللى عايش ضحيه
وفيها كتير ملاعين

**********
ملعونه يادنيا البشر
قلبكم اقوى من الحجر
مشين بيزرعه الخطر
للناس الطيبين
********

وادى سكه سفر
والكل فيها مسافر
اللى يعافر لجل يعيش
واللى عايش نافش الريش
غلبان بيسعى للقمه عيش
وقوى عايش ع التهبيش

****************
الدنيا دى مسرحيه
وكلنا فيها عايشين
فيها اللى عايش ضحيه
وفيها كتير ملاعين

***************
بشر ولا الديابه
بيموصه دم الغلابه
ماراح زمن الطيابه
دى دنيا دى ولا غابه
نفوس الشر مليها
بيدوسه ع الخلايق
دا ربك عالم بيها
وهيه دى حقايق

*************
الدنيا دى مسرحيه
وكلنا فيها عايشين
فيها اللى عايش ضحيه
وفيها كتير ملاعين