ومين قال اِن انا بعتــــــك
وانا عاشقك مسا وصبـاح
ومين قال اِن نار حبــــــك
كانت ليا ألام وجــــــــراح
دانا من كتر ما بحبـــــــك
حجزتلك فـ قلبى بـــــراح
عشقت كل شىء فيــكِ
عشقت غناكِ فـ الأفــراح
عشقت التوتة والساقية
عشقت الأرض والفـــلاح
عشقت عيونك الســودة
عشقت جمالك الدبــــاح
وخدنى السحر لعيونـــك
لقيت قلبى لقلبــــك راح
عشقت الصبرطول ليلى
وغنيتلك وكلى جــــــراح
وهبتلك شمــــوع عينى
تنورلك سكــك أفــــــراح
كتبت لك رسايل حــــب
وقلت لك ياروحى سماح
وخفت لــتهربى منــــى
قفلت عليكى بالمفتــاح
من ديوان همسات
الـــد لـيــــــــــــــــل
إرسال تعليق