( الجار ).* عادل المصرى ...

.......( الجار )......
الجار له حق عليك ولازم تصونه ...
ده اللى يعرف فضل الجار يحطه فى عيونه ...
ده الرسول وصى عليه وقالك بلاش تخونه ....
ولو شوفته فى ازمه على همه روح وعينه ...
أول ما تقول آه تلاقى جارك وياك ...
وفى تعبك وهمك يشيل معاك ....
الجار اخوك اللى امك مخلفتهوش ....
ساعد جارك وفى يوم ابدا متخاصموش ...
ده انت الجفن وهو ليك الرموش ...
وعرض جارك ابدا متنتهكهوش ..
يلى عنيك راحه لمرات جارك ...
ايه اللى حصلك وايه اللى جرالك ...
آه يا جارى يلى وصى عليك الرسول ...
لازم اخاق عليك واراعيك زى الاحاديث ما بتقول ....
وعمر لسانى وايدى على عرضك ما تطول ...
يا جارى ملناش غير بعضينا ...
لازم نحب بعض ونمد لبعض ادينا ...
وان قولت آه اسمعها قبل ما تشوفك عنينا ...
يا جارى يلى فى فرحى وهمى بلقاك ...
تشاركنى فرحتى ودمعتى بتاخدها معاك ....
ابدا يا جارى عمرى ما انساك ...
الجار له حق عليك ولازم تصونه ....
ده اللى يعرف فضل الجار يحطه فى عيونه ...
...عادل المصرى ...