يا مصر بقلم رضا أبو الغيط

يا مصر

حالف يا مصر أغنيلك
وأكتب بدمى مواويلك
كلامى ليكى يليق بيكى
وأبقى الهرم فيكى ونيلك

يا بلدى كله من خيرك
ابنك وصاين لجميلك
هتشاورى وتقولى احمينى
ف ثانيه م الغربه أجيلك

يا حبيبه والقلب اختارك
عاشق لليلك ونهارك
مشغول وشغلانى عليكى
بتمنى يوم أسكن دارك

سعدانى وحلفت أساعدك
راح أكون عرابى أو سعدك
ف الغربه مشتاق لعنيكى
مشتاق يا غاليه أبوس أرضك

يا قمره والقلب ف حُبك
يتمنى لو يسكن قلبك
يا شغله قلبى جوبينى
نفسى ف يوم أسكن قلبك

راح أكونلك النور لعنيكى
وأكونلك الساقيه أرويكى
علشانك أنا نفسى أعيش
وبروحى يا مصر أفديكى

راح أكونلك فرشك وغطاكى
والضحكه العاليه ف سماكى
لو طال العمر أوهبهو لك
وهعيشه يا مصر معاكى

كلمات /

رضا أبو الغيط